Ama Ina Anak - Family Update v.1

MUNTINLUPA - Kung mapapansin nyo ang gumagandang atmosphere ng Ramirez residence sa ngayon, pde mong pasalamatan ang araw kung saan tinanggap ng bawat isa na dapat silang magbago para sa ikagaganda ng lahat.

"Maganda ang mga nangyayari. Di na masyadong nag-iingay ang ina. Buhay na naman ang dugo niya at ngayon ay sumasideline pa sa real estate. Sa ngayon ok na sa kanya ang pagseserve sa Diyos sa New Life."

Ganun lang talaga siguro ang kanyang gusto. Na kahit papano e samahan syang magsimba kahit isang sunday lang sa buong buwan. Nakakagulat nga last Sunday alam pala ng ama na magsisimba. Di expected kasi may gagawin sya sa tennis court. Iniisip nya rin pala ang mga kelangan nyang gawin para sa pamilya, para sa inay. Although minsan makulit pa rin si ina tungkol sa kanyang mga paniniwala.. ok lang.

Ano na ang nanay ko ngayon? Araw araw may opis sa simbahan. Nakakalungkot pero naghuhugas pa rin ng pinggan. Dapat pabayaan na niyang mga daga ang gumawa nito. Taga pamalengke ng pagkain. Di na lang sya sa bahay kasi sumasama na siya sa kapatid nya ulit magbenta ng bahay at lupa.

"Wala, wala naman, wala namang perpektong tao. Ano ba ang epekto kung meron kang depekto?"

Isa lang iniisip ng mga ama. Ang bigyan ng magandang kinabukasan ang kanyang mga anak. Ang makakain sila tatlong beses sa isang araw. Ang maibigay sa kanila ang kanilang mga pangangailangan. Anong mangyayari pag isang araw tinanggal sa kanya ang kakayahang bumili man lang ng bigas. Ang bumalik sa nakaraan.. mula sa aircon na opisina sa pagiging isang hamak na drayber. Mula sa may pera sa pitaka sa ni isang singkong duling wala kang makita. Di ka na magaling ngayon. Kulang na lang magpakamatay ka.

"Sabi nga ng mga eksperto at ng biblia, ang mga taong mapagmataas at mayabang ibababa yan. Kaya dapat tayong magpakumbaba. Imbis na maging radyo tayo na broadcast ng broadcast e maging dyaryo tayo. Hintayin natin silang magbasa ng headline."

Ano na siya ngayon? Meron na syang silbi. At hindi para ipakita na magaling siya, na siya ang Diyos. Ngunit para ipakita na mas mahalagang tumulong at magmahal ng kapwa. Nagtuturo na sya ng kanyang mga kaalaman na dati sinasarili nya. Hindi na rin sya depressed at iniisip lagi na malungkot na konti ang pera. Mahirap lang pero walang kwenta to kung ikukumpara sa paghahatid ng saya sa iba. Sya ngayon ay Father mechanic professor driver at presidente ng tennis club. Busy!

"Minsan kelangan mo lang makinig at pumikit. Maraming darating na pagsubok. Masasaktan ka. Pero ni minsan wag mong isiping sumuko. Tahimik ka lang kasi alam mo sa sarili mo kung anong kaya mong gawin. Wag ka mananakit ng damdamin di mo alam pde ka nilang balikan."

At this rate di malayong makita ang liwanag sa madilim na kweba. Ngayong na ang apoy sa puso'y ginagawang dyamante ang bigkis ng bawat isa. Darating ang araw na wala ng makakatibag sa tanikalang hinubog ng panahon. Pasensya na lang sa mga masasaktan.

----

iiwanan ko kayo ng isang part ng kantang pinapakinggan ko ngayon. The Day that Never Comes by Metallica.

"Mouth so full of lies, Tend to black your eyes. Just keep them closed, Keep praying, Just keep waiting. God I'll make them pay, Take it back one day. I'll end this day, I'll splatter color on this gray."

----

Tampepe is a senior writer of Munt Times and the author of "Nang bumagyo sa iskinita" Click here to email TPP.